I te vurria vasa’… -V. Russo – E. Di Capua,

Hai vinto!
I’ te vurria vasa’
Ah ! che bell’aria fresca
ch’addora e malvarosa.
E tu durmenno staje
ncopp’a sti ffronne ‘e rosa.
‘O sole a poco a poco
pe ‘stu ciardino sponta;
‘o viento passa e vasa
‘stu ricciulillo ‘nfronte.

‘I te vurria vasa’…
Ma ‘o core nun m’ ‘o ddice
‘e te sceta’.
‘I me vurria addurmi’
vicino ‘o sciato tujo
n’ora pur’i’!
Tu duorme, oj Rosa mia ?
E duorme a suonno chino;
rnentr’io guardo ‘ncantato
‘stu musso curallino.
E chesti carne fresche,
e chesti trezze nere,
me metteno ‘int’ ‘o core
mille male penziere.
‘I te vurria vasa’…
Ma ‘o core nun m’ ‘o ddice
‘e te sceta’.
‘I me vurria addurmi’
vicino ‘o sciato tujo
n’ora pur’i’!
Sento ‘stu core tujo
che sbatte comm’ ‘a ll’onne.
Durmenno, angelo mio,
chi sa tu a chi te suonne!
‘A gelusia turmenta
‘stu core mio malato;
te suonne a me? Dimmello…
O pure suonne a n’ato?
‘I te vurria vasa’…
Ma ‘o core nun m’ ‘o ddice
‘e te sceta’.
‘I me vurria addurmi’
vicino ‘o sciato tujo
n’ora pur’i’!
( V. Russo – E. Di Capua, 1900 )
https://www.youtube.com/watch?v=szAYXA7Qfh8

Conosci il metodo gratuito APPO?

Ricordati che se usi il browser Brave non vedrai pubblicitá su questo sito Brave.com
Se vuoi partecipare ad un gruppo Telegram di persone che praticano il miglioramento continuo puoi visitare Miracle Morning Italian fans